"Mucir duası" Məhəmməd (s.ə.s) Peyğəmbərimiz buyurmuşdur: Meraca gedərkən hər bir asiman yetişdikdə mələklərin "Mucir" duasını oxumalarını gördüm. Cənab Cəbraildən (ə) soruşdum: -Ya Əminəllah! Bu nə duadır ki, bütün mələklər bunu oxuyurlar? Cəbrail (ə) cavab verdi: -Ya Rəsulallah (s.ə.s)! Bu bir duadır ki, əgər meşələr qələm, sular mürəkkəb olsa, 7 təbəqə göyün mələkləri bu duanın savabının yüz mindən birini yaza bilməz. -Ya Məhəmməd (s.ə.s)! Əgər bir şəxs bu duanı gündə bir dəfə oxuya, əgər mümkün olmasa ayda bir dəfə, əgər o da mümkün deyilsə ildə bir dəfə, yox əgər o da mümkün deyilsə olmasa ömründə bir fədə oxusa onun savabı (40000)dəfə Quranl xətm etmiş, qırx min gecə "Qədr" gecəsini dərk etmiş, qırx min məscidi təmir etmiş, qırx min dəfə piyada həccə getmiş, qırx min yoxsula əl tutmuş, qırx min dinar Allah yolunda sədəqə vermiş insanın savabı ilə bərabər olar. Əgər bir nəfər bu duanı sidq ürəkdən yazıb özü ilə gəzdirərsə, sanki 4 kitabı (Zəbur, Tövrat, İncil, Quran) qırx min dəfə oxumuş olar. Ey Allahın Rəsulu! Bu duanın əzəmət və bərəkətindən Həzrət Adəmin (ə) tövbəsi qəbul olundu. Bu duanın mərhəmətinə həzrət Yusif qaranlıq quyudan çıxdı, həzrət Nuh tufandan nicat tapdə, Yunis peyğəmbər balığın qarnında sağ qaldı, həzrət Əyyub çətinliklərdən qurtuldu. Həzrət İbrahim odda yanmadı. Bu duanın əzmətindən həzrət İsa dara çəkilməkdən nicat tapdı, həzrət Musa Firona qələbə çaldı, həzrət İsmayıl qurban kəsilmədi və Allah tərəfindən onun üçün qurban göndərildi. Bu duanın bərəkətindən Sən peyğəmbərlərin sonuncusu seçildin. Bu duanı oxuyan, yaxud özü ilə gəzdirən şəxs Allah amanında olar. Kim bu duanın kəramətini şəkk etsə, o şəxs kafirdir və islamdan kənardır. Bu da Mucir duasi. Allah qəbul eləsin.